UAE நாகூர் சகோதரர்கள் சந்திப்பு மற்றும் ஆலோசனை கூட்டம்.

நாகூர் நண்பர்கள் பொதுநல சங்கம் (NFWA) நடத்திய  UAE  நாகூர் நண்பர்கள் சந்திப்பு 

மற்றும் ஆலோசனை கூட்டம் நேற்று (19-08-2016 )சிறப்பாக நடைபெற்றது. அல்ஹம்துலில்லாஹ்.

நிகழ்ச்சி 19-08-2016 மாலை 5:00மணிக்கு தொடங்கியது.சகோ.கௌஸ் கிராத் ஓதி தொடங்கிவைத்தார்.நிகழ்ச்சியை சகோதரர் ஃபரிஜால் தொகுத்து வழங்கினார்.

பிறகு சகோதரர்.அஜீஸ் அஹமது அவர்கள் கூட்டத்திற்கு வந்திருந்த அனைவரையும் வரவேற்று பேசினார்கள். அதை தொடர்ந்து NFWA வின் பொறுப்பும், பொதுநலனும் என்ற தலைப்பில் சகோதரர் அனீஸ் அஹமது NFWA பற்றி விரிவாக விளக்கி பேசினார்.

இதன் தொடர்ச்சியாக மார்க்துறைமுகமும் – நாகூரும் என்ற தலைப்பில் சகோதரர் நாசிக் அவர்கள் மிக ஆணித்தரமாக பல கருத்துக்களை முன்வைத்து விளக்கி பேசினார்.

அடுத்து இந்நிகழ்ச்சிக்கு  வந்திருந்த சகோதரர்கள் அனைவரும் பல கேள்விகளையும்  & ஆலோசனைகளையும் பதிவு செய்தார்கள். அதில் சில முக்கிய ஆலோசனைகள் உங்கள் பார்வைக்கு.

*   NFWA செயல்பாடுகள் பல நாகூர் சகோதாரர்களுக்கே தெரியவில்லை. அதை அனைவருக்கும் கொண்டு செல்ல வேண்டும். குறைந்தது ஆறுமாதத்திற்கு ஒருமுறையாவது NFWA நாகூர் சகோதரர்களின் சந்திப்பு நிகழ்ச்சியை UAEல் நடத்தவேண்டும்.

*  வேலை தேடி UAE வரக்கூடிய  நாகூர் சகோதரர்களுக்கு  NFWA வழிகாட்டியாக  செயல்பட்டு வேலைவாய்ப்பை பெற உதவி செய்ய  வேண்டும்.

* வேலை தேடி UAE வரக்கூடிய  நாகூர் சகோதரர்களுக்கு உதவியாக NFWA சர்பாக  BED SPACE அமைத்து கொடுக்க நடவடிக்கை எடுக்க வேண்டும்.

* NFWA ஒரு பொதுவான அமைப்பாக இருக்கும்போது ஏன் அனைத்து பள்ளிவாசல்  ஜமாத்திற்கும் தெரியபடுத்தி ஒரு தொடர்பை ஏற்படுத்திகொள்ள கூடாது. அவர்கள் மூலமாகவும் NFWA விண்ணப்பங்களை பெற்று உதவி செய்யலாமே , இதன் மூலம்  ஒரே நபர் இரு இடங்களில் உதவி பெறுவதையும்  தடுக்க முடியும்.

* பட்டபடிப்பு , பொறியியல் படிப்பிற்கு NFWA உதவுவதே போன்று ஆலிம்களாக மார்க்ககல்வி கற்க  விரும்பும் மாணவர்களுக்கும் உதவ முன்வர வேண்டும்.

* NFWA ஒரு பொதுவான அமைப்பு தான் என்றாலும் , NFWA தெற்கு தெரு முஹல்லாவாசிகளுக்குள் நடந்துவரும் அமைப்பு போன்ற தோற்றம் உள்ளது அதை மாற்றவேண்டும்.

* வெளிநாட்டில் வந்து வேலைதேடுபவருக்கு உதவுவது போன்று , இந்தியாவில் வேலைதேடும் சகோதரர்களுக்கும் NFWA உதவி செய்ய முன்வர வேண்டும்.

*  நாகூர் கடற்க்கரை குப்பையாக காட்சியளிக்கிறது அதற்கு NFWA நடவடிக்கை எடுக்கவேண்டும்.

ஆகிய எண்ணற்ற கருத்துக்களை பல சகோதரார்கள் முன்வைத்தார்கள்.

இக்கூட்டத்தில் நிறைவேற்றப்பட்ட தீர்மானங்களை சகோதரர் ஃபரிஜால் வாசித்து காட்டினார்.

தீர்மானங்கள்

1.      UAEயில் உள்ள  நாகூர் சகோதாரர்கள் அனைவருக்கும் NFWA பற்றியும் , அதன் செயல்பாடுகள் பற்றி தெரியபடுத்துவது.

2.      NFWA விற்கு நிலையான மாத வருவாய் வரும்படி UAE நாகூர் சகோதரர்கள் மூலமாக மாத சந்தாக்களை வசூலிப்பது.

3.      இன்ஷாஅல்லாஹ் ஆண்டுக்கு ஒருமுறையோ , இருமுறையோ UAEல் நாகூர் சகோதரர்கள் அனைவரும் ஒன்றுகூடி சந்தித்து கொள்ளும் வழக்கத்தை கொண்டுவருவது.

4.      NFWA அலுவலகத்திற்கு முழுநேர பொறுப்பாளரை மாத சம்பள அடிப்படையில் நியமிக்க நடவடிக்கை எடுப்பது.

5.      விரைவில் NFWA சங்கத்தை முறைப்படி ரெஜிஸ்டர் செய்து. வங்கி கணக்கு துவங்குவது.

6.      நாகூரில் NFWAவிற்கு தன்னார்வ உறுப்பினர்களை அதிக அளவில் இணைக்க UAE உள்ள சகோதரர்களை கொண்டு முயற்சிகள் மேற்கொள்வது.

இறுதியாக சகோ.அஸ்கர் அலி அவர்கள் நன்றியுரை கூற நிகழ்ச்சி சிறப்பாக நிறைவடைந்தது. NFWA அழைப்பை ஏற்று நிகழ்ச்சிக்கு வருகை தந்த சகோதரர்கள் அனைவருக்கும் ஜசாகல்லாஹைரன்.

இந்த சந்திப்பு பலவகையில் பயனுள்ளதாக அமைந்தது. இன்ஷாஅல்லாஹ் NFWA பொறுப்புடனும் , பொதுநலத்துடனும் இன்னும் வீரியாமாக சமூக பணிகளை விரிவுபடுத்தி அல்லாஹ்வின் உதவியால் செயலாற்றும் என்று தெரிவித்துகொள்கிறோம்.

எல்லா புகழும் இறைவனுக்கே...